UPDATES:

S5 Box

ZOGAM.COM Login

News in Zokam

Hegin in PhD Ngahthak

Hegin in PhD Ngahthak

hegin

M. Songgel, CCPur kho mi Pu Jamkhogin Lhungdim @ Hegin in 17 April 2014 ni in Banaras Hindu Unviersity (BHU), Varanasi, UP a kipan in Doctorate Degree ana mu ta hi. Amah hi Pu Ngulkhosei Lhungdim leh Pi Hatkhochin Lhungdim tapa ahi. A thesis min ahih leh "Integrated weed management in Lentil(Lens culinaris, Medikus)" ahi a, Professor Yashwant Singh Department of Agronomy, Institute of Agriculture guide na nuai a Doctorate Degree mu hi in le gen uhi. Pu Hegin ahih leh tu lel in Central Agricultural University, Imphal a Department of Agronomy ah Assistant Professor sem lel ahi. Aman na a sep khak na te 1. Information Assistant, Department of Information & Public Relation,Govt. of Manipur, 2.Senior Technical Assistant, Ministry of Agriculture, Govt. of India, New Delhi, leh 3. Agricultural Scientist, ICAR ,CAU Centre, Imphal te ahi. Tuabanah Delhi a om lai in Kuki Worship Service, Delhi (KWSD) ah secretary leng ana len kha ngei hi. Tu lel in National Games Village, Imphal a zi leh a tanu 2 toh khosa lel uhi.

Zogam.com in Pu Hegin lawhchinna kipahpih mahmah hi.

CBSE paper leak pen Manipur kia

news-logo

CBSE Class 12th Physics question paper leak pen Manipur kia chouh ahi.

CBSE in tuni in Delhi High Court kiang ah Class 12th exam a Physics question paper leak pen Manipur sung kia ahih dan taklang a, Manipur sung kia a exam conduct thak dingin gen hi.

CBSE advocate Pu N K Kaul in a gen na a Delhi leh Delhi paw lam a di question papers set tuam chiat om a, tua question leak pen a sui zui nau ah Manipur sung kia ahih dan gen chian hi.

CBSE in a gen zom na a hiai question leak pen internet a theh zaak hi a, Rs 3000 a kipan Rs 5000 ki kal a zuak a om chi in gen uhi.

Global Zomi Alliance Khawmpi Report

gza2

GLOBAL  ZOMI  ALLIANCE KHAWMPI ANIH(2) VEINA LOHCHING TAK A ZAT ZOH HITA
inputs from Mungmung Tonsing.

Global Zomi Alliance Khawmpi Nih Veina apaisa Nisim 13th March – 17th March sung teng Tedim, Chin State, Myanmar mun ah thupi tak a zat in ana om ta hi. Dated 13th March 2014 pen zintun ni hi a,15th March 2014 pen sun hun leh zan hun a khen in om a, 16th March 2014 in gam tuamtuam akipan a Delegate te Tedim khuapi sung a Biakinn tuamtuam te ah kikhopna neihpih in om uhi.

Hun zeek na poimoh penpen te lak ah  Input (I), Input (II), Input (III),Input (IV), Input (V) leh Input( VI) chi a kikhen deudau in Zinglam 7:45 AM akipan Nitaklam 4:30 PM sungteng  Seminar hunzat hi a,Worship Service (6:30-7:30pm) leh Concert(7:30-9:30pm) hunpen nitaklam annnek zoh akipan a zat ahi. Input (I) ah  Zomi leh Khuasiam Nasep chih thupi pansan in Rev.Dr.Do Suan Mungin Seminar makaih a, Input (II) ah Zosuan Tuailai Pan Muhkhiak Thute Pulakna chih thupi pansan in Zomi Innkuan Singapore Palai te akipan thu ngaihkhiakna om a, Input( III) ah Zomi leh Pilna Lam chih thupi pansan in  Dr. C. Thang Za Tuan in hun zang a, Imput(IV) ah Zomi leh I Maban (I) chih Thupi pansan in Evan. Langh Do Khup & Rev. Pau Khan Khai in thugen a, Input (V) ah Zomi leh I Maban (II) chih thupi  pansan in Rev. Suan Khan Thang in hun zang in, Input (VI) ah Zomi leh Mailam Khantohna chi thupi pansan in Dr.Cing Pum Nem te’n sinsakna nei tek uhi. Hiai hun ah India lam akipan a Palai Pu Dr. Luaichinthang, Chairman, ZOLLS leh Pu Dalsianpau, Secy. ZOLLS ban ah Mizogam lam akipan a hong pai Zomi Cultural Society, Champhai te’n thugen na hun zang chiat uhi.

Khovel kilchih a Zosuan te kipumkhat na ding leh pankhawm/kinaih sem theihna ding geelna ban ah i mai a Myanmar census vai toh kisai pen nounel tak a kikup khawm na neih hi a, Zosuan khempeuh in code No. 914 (Others) ah khiak chiat ding ahi chi in thupukna la uh a, India sung Mizoram leh Manipur akipan a Myanmar gammi omkha khempeuh in Myanmar Census (19th March-19th April 2014) hun a amin te uh baihlam tak a ava khumlut theihna ding uh ngimna in Zomi Cultural Society, Champhai leh Zomi Student Federation, GHQ te nih etkaina nasep sem dia mohpuakna naa piak hi uh a, ban ah a Global Zomi Alliance (3) Veina Khawmpi pen Lamka, Manipur, India mun a zat hiding hi chi in thupukna leng la uhi.

Hiai khawmpi uap ding in Pu (LATE) Chin Do Kham te Innkuan,UK,USA,Thailand,Singapore,Malaysia,India leh leitung gam tuamtuam akipan Delegate tampi tak paikhawm in,President and Secretary ZOMUS,B Muan Ngaihte,Member ZAA, Esther Chingsan, Lengtong Kamkhen, TS Khai,Kapno, Saannuam,Zambawi,leh Chingpi te akipan in Gam ngaih laa ngaihkhiakna leh Pasian phatna laa toh mipi te bil leh mit suk tai in om hi.

More pics: https://www.facebook.com/media/set/?set=oa.620137094739068

gza1

gza3

gza4

gza5